Commo seis inoghe: Home
Benebènnidos a su situ de s'Ufìtziu provintziale
Sòrgono: libriteddu pro sas dies de Cortes Abertas PDF Stampa E-mail
Iscritu dae Sara Nieddu Mandamentu XII   
Giòvia, su 23 de Santugaine 2014 08:03

S'ULS de sa Provìntzia de Nùgoro, paris cun sa Comuna de Sòrgono, at ammanitzadu unu libriteddu chi at a èssere donadu sas dies de Cortes Abertas a totus sos bisitadores. In su libriteddu b'est s'orìgine de su nùmene, sì'stòria de sa bidda, sa cultura e is festas prus nòdidas.

Contare in sardu s'istòria e sa cultura sarda est sa punna de su libriteddu.

 

 

 
Mamujada: Cursos de mùsica PDF Stampa E-mail
Iscritu dae Gianfranca Selis Mandamentu III   
Giòvia, su 23 de Santugaine 2014 07:46

analialenardon

foto: Analia Lenardon

S’Assessoradu de sos Servìtzios Sotziales de sa Comuna de Mamujada dat a ischire chi sunt abertas sas iscritziones pro sos cursos de CHITARRA, PIANOFORTE E VIOLINU pro s’annu 2014/2015.Pro totu sas informatziones tocat de s’indiritzare a su Tzentru de Agregatzione Sotziale (0784/569016) o a sa Comuna ( 0784/56023).

 
Mamujada:Cuntributos pro sos libros de iscola e bursas de istùdiu PDF Stampa E-mail
Iscritu dae Gianfranca Selis Mandamentu III   
Giòvia, su 23 de Santugaine 2014 07:36

AVISOS PÙBLICOS dae Mamujada

SU RESPONSÀBILE DE SU SERVÌTZIU AMMINISTRATIVU DE SA COMUNA DE MAMUJADA DAT A ISCHIRE:
1. Chi sa Giunta Comunale cun deliberatzione n° 57, de su 13 de santugaine 2014, at adotadu sos critèrios pro cuntzèdere sos cuntributos finantziados dae sa R.A.S. pro sos libros de testu de s’annu iscolàsticu 2014/15. Sos cuntributos sunt riservados a sos alunnos de sas Iscolas Mèdias inferiores e superiores chi faghent parte de famìllias cun unu rèdditu uguale o prus bassu de unu ISEE de € 14.650,00 èuros.Pro fàghere sa dimanda si depent impreare sos modellos “B” e “C” chi sunt a disponimentu in sa Portineria de sa Comuna e depet èssere presentada a s’Ufìtziu Protocollu intro de su 20 de santandria 2014. A sa dimanda si depet aunire sa tzertificatzione ISEE.Si b’at bisòngiu de acraramentos, sos Ufìtzios de sa Comuna sunt a disponimentu in sos oràrios dedicados pro su pùblicu.

2. Chi sa Giunta Regionale cun deliberatzione n° 35/1322/22, de su 12 de cabudanni 2014, at partzidu intre sas Comunas su dinare dedicadu a sas bursas de istùdiu pro s’annu iscolàsticu 2013/2014. Sas bursas sunt riservadas a sos alunnos de s’Iscola Primària e Segundària de I° e II° gradu chi faghent parte de famìllias chi ant unu rèdditu uguale o prus bassu de unu ISEE vàlidu de € 14.650,00 èuros.Pro sas dimandas, e pro sa tzertificatzione de sas ispesas, si depent impreare petzi sos modellos a disponimentu in sa Comuna o in sa Segreteria de s’Istitutu Cumprensivu e si depent presentare a sa Comuna intro de su 20 de santandria 2014. A sa dimanda si depet aunire sa tzertificatzione ISEE vàlida.Si b’at bisòngiu de acraramentos, sos Ufìtzios de sa Comuna sunt a disponimentu in sos oràrios dedicados pro su pùblicu.

Pro sa dimanda de cuntributu iscàrriga su bandu e sos modellos dae su situ de sa Comuna:http://www.comune.mamoiada.nu.it/cominfo/avvisi/avviso.asp?id=139http://www.comune.mamoiada.nu.it/download.asp?c=e9b3fa49330cc79de11998b1a496331d&t=1&f=a&id=251
Pro sa dimanda de sa bursa de istùdiu iscàrriga su bandu e sos modellos dae su situ de sa Comuna: http://www.comune.mamoiada.nu.it/cominfo/avvisi/avviso.asp?id=138
http://www.comune.mamoiada.nu.it/download.asp?c=84c964a346c1089905059b6d07104244&t=1&f=a&id=252

Ùrtimu agiornamentu Giòvia, su 23 de Santugaine 2014 07:42
 
Nùgoro: Museu MAN mustra de Giacometti PDF Stampa E-mail
Iscritu dae Austinu Sanna Mandamentu I   
Giòvia, su 16 de Santugaine 2014 08:21

 

 

A unu passu dae su tempus.

GIACOMETTI E S’ANTIGÒRIU

 

 

«Totu s'arte de su passadu, de cada tempus, de cada tziviltade, m’aparesit in dae in antis. Totu fiat simultàneu, comente chi s’ispàtziu esseret fatu a càmbiu cun su tempus». (A.G)

 

 

MAN, Museu d'Arte Provìntzia de Nùgoro

24 de santugaine 2014 – 25 de ghennàrgiu 2015

contivìgiu de Pietro Bellasi e Chiara Gatti

Su Museu MAN de Nùgoro avisat chi est pro abèrrere sa mustra «A unu passu dae su tempus. Giacometti e s’antigòriu».

Sa mustra, contivigiada dae Pietro Bellasi e Chiara Gatti, rica de unos setanta petzos, at a acrarire a su pùblicu s’ammaju mannu chi at tentu s’iscultura antiga (egitziana, etrusca, greca, tzèltica o africana) a sos ogros de su mastru de su Noighentos, famadu pro sas figuras in caminu, sas fèminas firmas e a sa muda che ìdolos de su tempus passadu.

«Totu s'arte de su passadu, de cada tempus, de cada tziviltade, m’aparesit in dae in antis. Totu fiat simultàneu, comente chi s’ispàtziu esseret fatu a càmbiu cun su tempus». Dae custa cunfessione forte, naschet s’idea de dare a sas mègius òperas de Alberto Giacometti (1901-1966) una tratu de eternidade, pighende sas isculturas longas e sùtiles suas, iscavadas in sa matèria che repertos archeològicos, e ponende·las a curtzu a àteros repertos pretziosos seberados in calicunu de sos prus museos importantes italianos de arte antiga.

Leghe totu...
 
Silanos: festa de sos Giajos PDF Stampa E-mail
Iscritu dae Antonella Licheri Mandamentu VI   
Giòvia, su 16 de Santugaine 2014 08:07

Silanus - S'Assessoradu a sos servìtzios sotziales e culturales paris cun su grupu teatrale “Le Sabine di Silanus”organizat pro chenàbura, su 17 de santuaine, sa festa de sos zajos.A sas 6.30 de sero s’inàugurat su tzentru pro sos antzianos “Casa Scarpa”a sas 7,00 de sero ispetàculu teatrale in s’anfiteatru.

 
<< Inizio < Prec. 1 2 3 4 5 6 7 8 9 10 Succ. > Fine >>

Pagina 1 di 105